कोस्टल कर्नाटक ६ - अविस्मरणीय शरावती बॅकवॉटर बोटिंग, शरावती कांडला मॅन्ग्रोव्ह बोर्ड वॉक

मी आधीच्या पोस्टमध्ये सांगितले होते की आजचा सूर्यास्त समुद्रात होता तर उद्याचा सूर्योदय शरावती नदीत असणार आहे! तोच हा सूर्योदय शरावती नदीत, कमळांच्या मध्ये. 

शरावती बॅकवॉटर बोटिंग 

दुसऱ्या दिवशी सकाळी सव्वा सहापर्यंत आम्ही बोटिंगच्या ठिकाणी पोचलो. कारण आम्हाला सूर्योदय चुकवायचा नव्हता. होनावर जवळचे शरावती नदीतील बोटिंग हा एक अविस्मरणीय अनुभव आहे. 

आजूबाजूची शांतता, संथ पाणी, स्वच्छ नितळ पाण्यात वाकून आपले प्रतिबिंब न्याहाळणारी नारळाची झाडे, पाण्यात अध्ये मध्ये असलेली लहानशी बेटे, खारफूटीची जंगले, कमळाची पाण्यावर तरंगणारी पाने, उगवत्या सूर्याची पाण्यात मिसळणारी किरणे, त्याने तांबूस झालेले पाणी .. एक वेगळेच जग असते ते. तुम्ही जितक्या वेळासाठी बोट ठरवलेली असेल.. तास दीड तास..  तो वेळ, तुमच्या आयुष्यातील अविस्मरणीय क्षणांपैकी एक असणार हे मी अगदी खात्रीने सांगू शकते. 

आपोआप जगाचा, आयुष्याचा कोलाहल मंद होत जातो. पहाटेचा मवाळ प्रकाश, पाण्यावर हेलकावणारी नाव, हवेतला अगदी किंचितसा सुखद गारवा आणि मुरत जाणारी शांतता ह्या सगळ्याने मन निवळत जाते. 

आम्ही गेलो त्या दिवशी, त्या वेळी अजून थोडे धुके होते. पहाटे शेतातल्या पिकांवर जसा वाफसा तरंगतो तसा पाण्यावरही तरंगतो आहे असे भासत होते. हे शरावती बॅकवॉटर मधील बोटिंग फोटोंसाठी उत्तम ठिकाण म्हणून प्रसिद्ध आहे. त्यामुळे अनेक बोटीतून प्रिवेडींग शूट्सच्या टीम होत्या. 

त्यामुळे बोटीही चांगल्या सजवलेल्या असतात. आम्ही जी बोट घेतली होती तिच्यावरही प्लॅस्टिकची हिरवळ, कृत्रिम फुलांच्या वेली असे सगळे होते. 

एकूणच अनुभव अतिशय उत्तम होता. त्या भागात जाणाऱ्या प्रत्येकाने आवर्जून घ्यावा असाच बोटिंगचा अनुभव आहे. त्यामुळे शरावती बॅकवॉटर बोटिंग अवश्य करा असेच मी सुचवेन. 

फक्त वेगवेगळ्या साईट्सवरच्या फोटोंवर विश्वास ठेवू नका!!! आजकाल बऱ्याचदा एआय ने तयार केलेले किंवा ड्रोनने काढलेले फोटो असतात. तसे प्रत्यक्षात दिसतेच असे नाही!!हा वर मी जो टाकलेला फोटो आहे तो देखील एआय ने केलेले आहे. आम्हाला न दिसलेली कमळे एआयने तिथे दाखवली आहेत!!

मी घेतलेला खरा फोटो हा बघा असा आहे. 

शरावती बॅकवॉटर बोटिंग लोटस पॉईंट 

लोटस पॉईंट प्रत्यक्षात असा दिसत होता. आम्ही विचारले की इथे फुले कशी दिसत नाहीत. सध्या सिझन नाही का? त्यावर बोटवाला म्हणाला की भल्या पहाटे म्हणजे अगदी चार साडेचार वाजताच काही जण येऊन तोडून नेतात फुले आणि विकतात. खरे खोटे तोच जाणे!!पानांवर अगदी बारक्या कळ्या मात्र दिसत होत्या. 

तुमच्यापैकी कोणी पाहिली का कमळे इथे? फुले पाहण्यासाठी किती वाजता जायला हवे? कॉमेंट्स मध्ये अवश्य लिहा. 

आम्ही घेतलेली बोट टूर ही लोटस पॉईंट, मिनी केरळ पॉईंट आणि खारफुटीची बेटे अशी तिन्ही दाखवणारी दीड तासाची टूर होती. त्यामुळे अप्रतिम दृश्ये बघायला मिळाली. 

आता मी भरपूर फोटो टाकणार आहे! त्याबद्दल मला क्षमा करा. पण तुम्ही तिकडे गेलात तर तुम्ही ह्याच्या दुप्पट फोटो काढाल ह्याची खात्री बाळगा!!

शरावती बॅकवॉटर बोटिंग 

बलाक माला उडता भासे कल्पसुमांची माळचि ते

शरावती बॅकवॉटर बोटिंग 

शरावती बॅकवॉटर बोटिंग 

नदीकिनारी .. 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

मिनी केरळ पॉईंट 

शरावती बॅकवॉटर बोटिंग 

खारफुटीची बेटे 

शरावती बॅकवॉटर बोटिंग 

बिम्ब - प्रतिबिम्ब 

खारफुटीची बेटे 

शरावती बॅकवॉटर बोटिंग 

खारफुटी 

पक्षी (बहुतेक आयबीस!)

नितळ 

लोटस पॉईंट 

लोटस पॉईंट 

रविराज हा गगनी आला 

शरावती बॅकवॉटर बोटिंग 

शरावती बॅकवॉटर बोटिंग 

सूर्योदय फोटोत दिसला तरी त्यावेळचे पक्ष्यांचे आवाज फोटोतून नाही येत. त्यामुळे ही विडिओ!

https://youtu.be/q-UzuTxrymk

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

शरावती बॅकवॉटर बोटिंग 

पक्षी 

बोटिंग संपायची वेळ आली!

सतत पर्यटक येऊन बोटवाले फोटो काढण्यात प्रवीण झाले आहेत. तेच आग्रहाने आपले फोटो काढतात. 

शास्त्र असतं ते!!

काही ठिकाणी तुम्हाला चहा नाश्ता पण मिळू शकतो. एकतर बोट किनाऱ्याजवळ नेतात किंवा दुसऱ्या बोटीतून चहा नाश्ता येतो. 

आपण आयुष्यात कधीतरी एकदा ह्या ठिकाणी आलेलो असतो. पुरते भारावलेले असतो. अशा वेळी स्थानिक लोक बोटीतून कामासाठी दुसऱ्या गावी निघालेले दिसतात. वाटून जाते किती सुंदर आहे ह्यांचे कामाला येणे जाणे! त्यांनाही नक्की असेच वाटते की त्यांना मुंबईच्या वर्दळीचे आकर्षण वाटते, कोणास ठाऊक?!!

एकुणात काय तर एक अप्रतिम अनुभव घेऊन आम्ही अत्यंत तृप्त मनाने बोटीतून खाली उतरलो.

त्या दिवशीचे आमचे दुसरे ठिकाण होते ते शरावती कांडला मॅन्ग्रोव्ह बोर्ड वॉक. 

ते देखील खूप शांत निवांत ठिकाण होते. जाण्याचा रस्ता काही घरांजवळून जात होता. कौलारू घरे, लाल माती, अंगणात फुललेली बाग, निवांत शांतता ..भुरळ पडावी असे वातावरण होते! 

इतका स्वच्छ, सुंदर बोर्डवॉक, सविस्तर लिहिलेले माहितीफलक, बोर्डवॉकची चांगली निगा राखलेली असे सगळे  पाहून फार आनंद झाला. 

बोर्डवॉक प्रवेशद्वार 

किती तिकीट आहे ते आता लक्षात नाही पण अगदी कमी आहे.

📷प्रज्ञा साठे 

बोर्ड वॉक 

बोर्ड वॉक 

बोर्ड वॉक 

बोर्ड वॉकवरून दिसणारे दृश्य 

बोर्ड वॉकवरून दिसणारे दृश्य 

बोर्ड वॉकवरून दिसणारे दृश्य 

बोर्ड वॉक

बोर्ड वॉक

बोर्डवॉक 

तिथे कोणती झाडे दिसतील त्याचे माहितीफलक लावलेले आहेत. मग ह्यातली कोणती खरेच आपल्याला दिसली हे शोधताना मजा येते!

माहितीफलक 

बोर्डवॉक आमच्या राहण्याच्या ठिकाणापासून चालत दहा मिनिटांवर होता. आम्ही चालत गेलो तो रस्ता तसा थोडावेळ निर्जन होता. पण लगेच दोन्ही बाजूला नांदती घरे दिसू लागली. 

एका छान घराच्या छान बागेत गृहस्वामिनी झाडांना मस्त पाईपने पाणी घालत होती. झाडे धुवत होती. मला मोह आवरलाच नाही. मी त्यांना मी घालू का थोडा वेळ पाणी विचारल्यावर त्यांनी उदारपणे मला पाईप दिला. इतक्या लहान लहान गोष्टीतला आनंद घेणारे आणि घेऊ देणारे निवांत आयुष्य आहे तिथे. 

बागेला पाणी. 

त्या दिवशी धुळवड होती. त्यामुळे हलगी वाजवत घरोघरी जात हिंडणारे मुलांची टोळकी दिसत होती.

नंतर आम्ही आराम केला. आमच्या एयरबीएनबी च्या मागच्या गॅलरीमधून दिसणारी झाडे आणि पुढच्या गॅलरीमधून दिसणारा रस्ता, स्थानिक जीवन पाहत निवांत राहिलो. 

निवांत 

 दुसरा दिवस मोठा असणार होता. मिरजन किल्ला, गोकर्ण महाबळेश्वर पाहून आम्ही कारवारला जाणार होतो. त्या विषयी लवकरच लिहीन. 

#Sharavati backwaters, #Honnavar boating, #Coastal Karnataka trip #Mangrove boardwalk Honnavar #Mini Kerala Karnataka #शरावती बॅकवॉटर #होनावर बोटिंग #कोस्टल कर्नाटक #कर्नाटक पर्यटन #Honnavar backwater sunrise #Lotus point Honnavar reality #Marathi travel blog