कोस्टल कर्नाटक ३. -कुरु बेट, अनेगुड्डे श्री विनायक मंदिर, मणिपाल लेक

 कोस्टल कर्नाटक सहलीचा आमचा तिसरा दिवस देखील फार आनंदात गेला. काही गोष्टी ठरवल्याप्रमाणे होऊ शकल्या. काही गोष्टी ठरवल्याप्रमाणे अजिबात झाल्या नाहीत. पण तरी जमेची बाजूच जड झाली हे खरे. 

उडुपीला सकाळी गाडी बोलावली होती आणि ती आम्हाला काही तास फिरवून आणणार होती. पहिले ठिकाण होते त्रासी मारवंते बीच. 

फोटो बघूनच हा बीच पाहण्याची खूप उत्सुकता वाटत होती. हा अत्यंत अनोखा बीच आहे. रस्त्याच्या एक बाजूला सौपर्णिका नदी, दुसऱ्या बाजूला अरबी समुद्र - सिंधूसागर!

त्रासी मरवंथे बीच 
📷https://karnatakatourism.org/en/destinations/udupi

उडुपीपासून निघून इकडे येऊन पोचलो. एका बाजूला नदी दिसत होती. दुसऱ्या बाजूला समुद्र किनाराही दिसत होता. पण फोटोत दाखवल्याप्रमाणे ठिकाण काही दिसेना. 

मग चौकशी केल्यावर कळले की असे फक्त ड्रोनने काढलेल्या फोटोत दिसते. डोळ्यांना असे दिसत नाही!! एरवी आपण म्हणतो की डोळ्यांना जितके सुंदर दिसते तितके फोटोत उतरत नाही. पण इथे उलटे झाले होते!फोटोतल्याइतके सुंदर डोळ्यांना दिसत नव्हते!!

पण असे दिसले नाही म्हणून काय झाले? रस्त्याच्या एका बाजूला नदी वाहते आहे आणि दुसऱ्या बाजूला समुद्र आहे हे अनोखेपण तर होतेच ना!!

हे दृश्य कसे दिसत होते हे तिथे काढलेल्या व्हिडिओमध्ये आपण पाहू शकता. 

Trase Marvanthe Beach 

https://youtu.be/c_hCEkdj5WU

पश्चिम घाटात कोडाचाद्री जवळ उगम पावणारी सौपर्णिका नदी कोल्लूरच्या मुकाम्बिका मंदिराजवळून वाहते म्हणून हिला कोल्लुरू असेही म्हटले जाते. 

आमचा ह्या नंतरचा कार्यक्रम होता कोल्लुरू नदीतील बोटिंगचा. तसे फलक लावलेले नसल्याने हे ठिकाण शोधावे लागले. मग एका दुकानदाराने फोन कल्यावर दोन तरुण मुले आली आणि आम्हाला बोटिंगसाठी घेऊन गेली. कोल्लुरू नदी एका लहानशा बेटामुळे दुभंगते आणि बेट संपल्यावर पुन्हा एकत्र येते. 

कोल्लुरू नदी 

हे मध्ये दिसते आहे ते लहानसे कुरु बेट. ह्याचे गुगल मॅप लोकेशन पाहिलेत की कल्पना येईल. 

कुरु बेट 

इतके शांततेत बोटिंग करायचे, आपल्याखेरीज नदीत दुसरे कोणी नाही, असे अनुभवायचे तर अशाच एखाद्या भागात यायला पाहिजे. इथे तसे अजून पर्यटन फारसे विकसित झालेले नाही. 

कोल्लुरू नदी 

कोल्लुरू नदी 

बोटिंगची तयारी 

बोटीतून दिसणारे दृश्य 

बोटीतून दिसणारे दृश्य 

बोटीतून दिसणारे दृश्य 

नाव माहिती नाही!

बोटीतून दिसणारे दृश्य 

थोड्याच वेळात आम्ही कुरु बेटावर पोचलो. हे अगदी लहानसे बेट आहे. माझ्या आठवणीत कुरु बेट राहिले आहे आणि लक्षात राहील ते असे.. नारळ, केळी, पोफळीची झाडे, सुपीक मातीमुळे लवलवत असलेली हिरवी पोपटी शेती, स्थानिकांची अगदीच मोजकी घरे, दूर अंतरावर दिसणारे मंदिर आणि प्रगाढ शांतता!! आम्ही सकाळच्या वेळी गेलो होतो. पण जर पहाटे कोणी तिकडे गेले तर खूप पक्षीदेखील दिसतात असे कळले. 

कुरु बेट 

कुरु बेट 

कुरु बेट 

कुरू बेटावर 

कुरू बेटावर 

बोटिंग झाल्यावर आम्ही जवळच असलेल्या वराहमंदिरात गेलो. वराहमंदिरे फारशी आढळत नाहीत. एरवी मंदिरातून दशावतार असतात त्यातील एक म्हणून वराह मूर्ती पाहायला मिळते. पण वराह अवताराचे स्वतंत्र मंदिर फारच क्वचित बघायला मिळते. म्हणून हे विशेष वाटले. तिथे कांताराचे शूटिंग झाले होते असे कळले. मी कांतारा सिनेमा पाहिलेला नसल्याने आम्हाला सांगणाऱ्याची उत्सुकता एकदमच मावळली!!

त्यानंतर त्रासि मारवंते बीचजवळच्या रस्त्याने आम्ही परत निघालो. अनेगुडडे गणपती मंदिराला जाताना आधी कुंभासी येथील चंडिका परमेश्वरी मंदिरात गेलो. नव्याने प्रवेशद्वाराचे काम चालू होते. 

कुंभासी चंडिका परमेश्वरी मंदिर प्रवेशद्वार 

कुंभासी चंडिका परमेश्वरी मंदिर 

कुंभासी प्रसिद्ध आहे ते अनेगुड्डे श्री विनायक मंदिरासाठी. एका टेकडीवर असणाऱ्या मंदिरासाठी एक पिटुकला देखणा घाट चढून गाडी जाते. 

कुंभासी हे नाव इथे भीमाने कुम्भासुराचा तलवारीने वध केला त्यावरून पडले आहे. विनायकाने गजरूपात 

 ( गजरूप विश्वम्भर) ही तलवार भीमाला दिली होती. टेकडीचे नाव कानडीत अनेगुड्डी आणि संस्कृतमध्ये गजगिरी असे पडले. 

ही सर्व माहिती मंदिरात लिहिलेली आहे!!येथील मूर्ती स्वयंभू आहे. साधारण १२ फुटाची मूर्ती आहे. भाविकांमध्ये ह्या स्थानाची मोठी महती आहे. त्यामुळे इथे गर्दी असते. मंदिरात आत फोटो काढण्याची अनुमती नाही. हे बाहेरून काढलेले फोटो आपण पाहू शकता. 

श्री विनायक मंदिर, अनेगुड्डे 

श्री विनायक मंदिर, अनेगुड्डे 

श्री विनायक मंदिर, अनेगुड्डे 

श्री विनायक मंदिर, अनेगुड्डे 

ह्या भागातील सर्व मंदिरांप्रमाणे इथेही सुंदर हार फुले विकणारे दुकान होते. 

श्री विनायक मंदिराजवळ, अनेगुड्डे 

ह्या मन्दिरातील प्रसाद भोजन सात्विक आणि फार चविष्ट होते. भोपळ्याची पातळ भाजी आणि भात. हे झाले की खीर! खीर नारळाच्या दुधातील होती म्हणून मला खाता आली ह्याचा नंद चेहऱ्यावर झळकतो आहे!! प्रसादाचे भोजन खरोखर तृप्त करणारे असते!

प्रसादाची खीर 

त्या नंतर आमचे पुढचे ठिकाण होते मालपे बीच. आम्ही तिथे पोचलो आणि बोटिंगच्या रांगेत उभे राहिलो. पण त्या दिवशी, त्या वेळी भयंकर जोरात वारा वाहत होता. त्यामुळे बोटिंग बंद केले होते. ज्या बोटी आधीच समुद्रात गेलेल्या होत्या त्यांनाच कसेबसे परत आणले जात होते. 

इतक्या लांब अंतरावर येऊन बोटिंग करायला नाही मिळणार म्हणून त्या वेळी थोडे खट्टू झाल्यासारखे वाटले तरी वाऱ्याचा वेग पाहता त्यांनी बोटिंग बंद करण्याचा घेतलेला निर्णय योग्यच होता. नंतर कुठे कुठे झालेल्या अपघाताच्या बातम्या ऐकल्यावर तर हे विशेषच पटले. 

मालपे बीच 

मालपे बीच 

इथून बोटीने आम्ही जाणार होतो सेंट मेरीज आयलंडला. ह्या बेटावर बसाल्टचे उभे खडक आहेत, जणू षटकोनी खांब असावेत असे. पूर्वी असे खडक आम्ही कोरियाच्या जेजू बेटावर पहिले होते. इथलेही पाहण्याची उत्सुकता होती. पण आम्ही तिथे जावे असे वाऱ्याच्या मनात नव्हते तर काय करणार?!!ह्या खडकांचा फोटो आपल्याला आंतरजालावर निश्चितच पाहायला मिळेल. 

मालपेचा समुद्रकिनारा सुंदर आहे. इथे अनेक वॉटर स्पोर्ट्स आहेत जे त्या दिवशी अर्थातच बंद होते. 

त्या दिवशी वारा किती होता, मालपेचा समुद्रकिनारा कसा आहे ते आपल्याला ह्या व्हिडिओमध्ये पाहता येईल. 

मालपे समुद्रकिनारा

https://youtu.be/pfpGmUJ-a5A

आता सेंट मेरीज बेटावर जाणार नव्हतो म्हटल्यावर आमच्या कडे भरपूर वेळ होता. म्हणून आम्ही दुसरी दोन ठिकाणे पाहण्याचे ठरवले. 

मग आम्ही गेलो मणिपाल लेकला. स्थानिक लोक ह्याला मनापल्ला की मणीपल्ला लेक म्हणतात. 

मणीपालला जाणे हा एक वेगळाच अनुभव आहे. अनेक शैक्षणिक संस्था, मोठमोठी हॉस्पिटल्स, सगळीकडे तरुण मुले असे सगळे दिसत राहते. 

आम्ही ज्या तळ्यावर गेलो होतो तिथेही अनेक तरुण मुली फिरायला आल्या होत्या, कोणी निवांत झाडाच्या सावलीत गप्पा मारत होत्या, कोणी अभ्यास करत होत्या. 

तळ्याभोवतीने चालायला चांगला रस्ता केलेला आहे. रस्त्याच्या दोन्ही बाजूला भरपूर झाडे असल्याने ऊन जाणवत नव्हते. 

मणिपाल लेक

मणिपाल लेक

मणिपाल लेक

मणिपाल लेक

मणिपाल लेक

मणिपाल लेक

मणिपाल लेक

मणिपाल लेक

मणिपाल लेक 

हा फलक फार आवडला आहे. असे करायला हवे सगळ्यांनी. कदाचित ह्या लेकजवळ सगळे जण करत असतीलही. कारण तळ्याभोवतीचे रस्ते अगदी स्वच्छ होते!!

मणिपाल लेक गार्डन 

मणिपाल लेक

मणिपाल लेक

इथून आम्ही सूर्यास्त बघण्यासाठी मणिपालमध्ये प्रसिद्ध असलेल्या एन्ड पॉईंटला जायचे ठरवले. मणिपाल लेकजवळून बऱ्याच वेळाने रिक्षा मिळाली. एन्ड पॉईंटला जातो तर तिकडे भरपूर गर्दी होती. तरी आम्हाला वाटले की सूर्यास्त बघण्यासाठी इतकी मुले जात असतील. पण जसजसे पुढे जात होतो तसतशी गर्दी वाढू लागली आणि पुढे तर पोलिसांनी रस्ताच बंद केला होता!!

त्या दिवशी एन्ड पॉइंट ग्राउंडवर सुप्रसिद्ध गायक शानचा कार्यक्रम होता. त्यामुळे तो संपूर्ण भाग आम जनतेसाठी बंद केला होता. 

तर अशा रीतीने त्या एका दिवसात मालपे बीच आणि मणिपाल एन्ड पॉईंट अशी दोन ठिकाणे आम्हाला वेगवेगळ्या कारणांमुळे पाहता नाही आली. पण मोठ्या ट्रीपमध्ये असे लहान लहान प्रसंग तर घडत राहणारच ना!!

त्या दिवसांत बाकी अनुभव इतके सुंदर घेतले होते की आधी ठरवलेली ही दोन ठिकाणे पाहता न आल्याची निराशा फार जाणवली नाही. 

#मराठीब्लॉग #प्रवासवर्णन #भटकंती #कर्नाटकपर्यटन #कोस्टलकर्नाटक #समुद्रकिनारा #प्रवास #मराठीब्लॉगर #मराठीट्रॅव्हल#MaravantheBeach #TrasiBeach #KuruIsland #KollurRiver #AneguddeTemple #ManipalLake #Udupi #UdupiTourism #CoastalKarnataka #KarnatakaTourism#MarathiTravelBlogger #IndianTravelBlogger #HiddenGemsOfIndia #IncredibleIndia#NatureLovers #SilverVeganTravels