मुख्य सामग्रीवर वगळा

कोस्टल कर्नाटक १ - मंगळुरू

 मंगळुरू- कुडला - मंगलोर - मंगलापूरम ही सगळी एकाच गावाची नावे. मंगलादेवी मंदिरावरून ह्या गावाचे नाव पडले मंगळुरू. दक्षिण कन्नड जिल्ह्याचे हे प्रमुख ठिकाण. सुंदर मंदिरे, स्वच्छ समुद्रकिनारे, नारळी-पोफळीची झाडे, आधुनिकतेच्या खुणा मिरवणारे मॉल्स आणि शहराबाहेरची पण तशी जवळच असणारी अनेक पर्यटन स्थळे.. ह्या साऱ्यामुळे मंगळुरु नेहमीच पर्यटकांचे आवडते राहिलेले आहे. 

मंगळूरूला जाणारे आमचे विमान नवी मुंबई आंतरराष्ट्रीय विमानतळावरून होते. हा विमानतळ पाहण्याची उत्सुकता होतीच.

 हा अतिशय भव्य आणि सुव्यवस्थित विमानतळ आहे. अनेक विमाने एकावेळी विमानतळावर आली तरी येणाऱ्या आणि जाणाऱ्या प्रवाशांच्यासाठी सर्व आवश्यक सुविधा केलेल्या आहेत.

 जशी वर्दळ वाढेल तशी विमानतळावर जाण्यासाठी वाहतुकीची साधने देखील वाढतील अशी आशा आहे. 

नवी मुंबई आंतरराष्ट्रीय विमानतळ 
नवी मुंबई आंतरराष्ट्रीय विमानतळ 
नवी मुंबई आंतरराष्ट्रीय विमानतळ 
नवी मुंबई आंतरराष्ट्रीय विमानतळ 

लहानशा प्रवासानंतर विमान मंगळुरुला उतरले. मंगळुरु विमानतळ म्हणजे टेबलटॉप रनवेज असणाऱ्या भारतातील मोजक्या विमानतळांपैकी एक विमानतळ. विमान उतरताना खरोखर आपण एखाद्या डोंगरमाथ्यावर चिंचोळ्या पट्टीवर उतरत आहोत असे वाटू लागते. आजूबाजूला दऱ्या असणारे रनवेज प्रवाश्यांना मजेचे वाटतात पण पायलटसाठी मात्र इथे लँडिंग करणे आव्हानात्मक वाटत असणार. 

होडीत बसलो असताना बुडण्याच्या गोष्टी करू नये म्हणतात. तसेच विमानात बसलेले असताना असे आठवू नये म्हटले तरी २०१० चा मंगळुरु विमानतळावरील अपघात आठवलाच. दीडशेच्या वर लोकांनी ह्या अपघातात जीव गमावला होता. त्या सर्वाना श्रद्धांजली. 

 मंगळुरु विमानतळ लहानसा आणि कलात्मकतेने सजवलेला आहे. 

मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
मंगळुरु विमानतळ 
तुलनेने लहान जागेत इतक्या सुंदर कलाकृती आहेत की आपण एखादे कलादालन पाहत आहोत असेच वाटू लागते. 

विमानतळावर उबर सहज मिळाली. आमचे हॉटेल विमानतळापासून साधारण अर्ध्या तासाच्या अंतरावर अत्तावार भागातील अवतार हॉटेल होते. हॉटेल अगदी मध्यवर्ती भागात असल्याने बाहेर यायला जायला रिक्षा मिळणे अगदी सोपे होते. 

थोडा वेळ आराम करून आम्ही कुदरोली गोकर्णनाथ मंदिरात गेलो. सामाजिक समरसतेचे उदाहरण म्हणून हे मंदिर ओळखले जाते. बिलवा समाजासहित समाजातील सर्व घटकांना मुक्तपणे प्रवेश असावा म्हणून ब्रम्हर्षी नारायण गुरु ह्यांच्या आशीर्वादाने १९१२ मध्ये हे मंदिर उभारले गेले. नारायणगुरु ह्यांची शिकवण होती की 'एक जात, एक धर्म, एक दैवत. स्वतंत्र होण्यासाठी शिक्षण घ्या, समर्थ होण्यासाठी संघटित व्हा." 

मंदिरातील मुख्य देवता शिव असून मंदिराच्या आवारात गणेश, सुब्रमण्यम, अन्नपूर्णेश्वरी, भैरव, नवग्रह, शनी, श्रीकृष्ण ह्या देवतांची मंदिरे आहेत. 

१९९१ मध्ये जीर्णोद्धाराच्या वेळी चोला स्थापत्यशैलीतील भव्य मंदिर उभारण्यात आले. 

श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
श्री गोकर्णनाथ क्षेत्र 
मंदिर सकाळी ६ वाजता उघडते आणि रात्री ९ वाजता बंद होते. दुपारी २ ते ४.३० मंदिर बंद असते. 
मंदिराचा विडिओ मूळ आवाजातच आपण इथे पाहू शकता. 
https://youtu.be/jXyoXqfrZmQ

मंदिरातून बाहेर पडताच लगेच रिक्षा मिळते. रिक्षाने आम्ही तनिरबावी बीचला जाण्यासाठी गुरूपूर नदीच्या किनाऱ्यावर जिथून नाव सुटते त्या ठिकाणी गेलो. अगदी पाच मिनिटांचा नावेचा प्रवास आहे आणि आपण पलीकडल्या किनाऱ्यावर पोचतो. साधारण पाच मिनिटे चालत गेलो की आपण तनिरबावी बीचला पोचतो. 

तसे मंगळुरूमधून दूरच्या रस्त्याने गेलो तर वाहनाने जाता येते. शिवाय आता गुरूपूर नदीवर एक पूल बांधत आहेत. म्हणजे मग तनिरबावी बीच अगदी चालत जाण्याच्या अंतरावर येईल. 

तानिरबावी बीच सूर्यास्त पाहण्यासाठी विशेष ठिकाण मानले जाते. बीच स्वच्छ आहे, सर्व मूलभूत सुविधा आहेत. बीचचा काही भाग ब्लु फ्लॅग बीच म्हणजे आंतरराष्ट्रीय स्तरावरच्या सुविधा आणि सुरक्षितता असलेला म्हणून घोषित झाला आहे. बीचजवळच एक मोठे वनस्पती उद्यान आहे. तिथे अनेक औषधी वनस्पती लावलेल्या आहेत. 

तनिरबावी बीचला जाण्यासाठी नाव 
तनिरबावी बीच
तनिरबावी बीच
तनिरबावी बीच
📷 प्रज्ञा साठे 
बीच सुंदर आहे हे हा विडिओ पाहून कळेलच. सूर्यास्ताच्या वेळचे सोनेरी पाणी पण पाहता येईल. 

https://youtu.be/tTjPpZeHHVw
गुगलवर वाचून आम्ही हॉटेल जनता डिलक्स ह्या शुद्ध शाकाहारी उपाहारगृहात जेवायला गेलो. भाषा आणि त्या भागातील खाद्य पदार्थ माहिती नसले की पंचाईत होते! खास मंगळुरूचे स्थानिक पदार्थ खाऊ या म्हणून एक पदार्थ आम्ही मागवला आणि समोर आला तो अळुवडीचा अख्खा उकडलेला उंडा!! 

मंगळुरु खाणे 
आम्ही फेब्रुवारी २०२६ च्या शेवट इथे गेलो होतो. आता ह्या दोन्ही पदार्थांची नावे विसरले. तुम्हाला माहिती असतील तर अवश्य सांगा. बाकी ह्या उपाहारगृहातील सांबार, चटणीची चव चांगली होती. 
अळुवडीचे नाव होते पाथरोडे आणि दुसरे पानात पीठ उकडलेले दिसते आहे ते आहे फणसाच्या पानात उकडलेले इडलीचे पीठ!
रात्री हॉटेलवर परतल्यावर हॉटेल नीट हिंडून पाहिले. जिने, भिंती, खिडक्या, दारे वैशिष्ट्यपूर्ण केली आहेत. 

हॉटेल अवतार 
हॉटेल अवतार 

हॉटेल अवतार 
हॉटेल अवतार - स्वागतकक्ष 
स्वागतकक्षात झोपाळा आणि वाचनालय केलेले आहे. पुस्तकांची निवडदेखील चांगली आहे. 

तर असा संपला आमचा कोस्टल कर्नाटक सहलीचा पहिला दिवस! आता दुसऱ्या दिवशी कुठे गेलो, काय पाहिले ते लवकरच लिहीन!


#Mangaluru, #Mangalore Travel, #Coastal Karnataka Trip, #Navi Mumbai International Airport, #Mangaluru Airport, #Tabletop Runway India, #Karnataka Tourism,#मंगळुरू प्रवास, #कोस्टल कर्नाटक, #पर्यटन, #नवी मुंबई विमानतळ, #मंगलोर ट्रिप, #मराठी ट्रॅव्हल ब्लॉग, #कर्नाटक सहल, #कुडला.

#Indian Domestic Travel, #Summer Travel Destinations India, #Hidden Gems of Karnataka, #Travel Itinerary India, #Coastal Escapes, #Travel Guide Mangalore, #Hotel Avtar Mangluru,#The Avatar Hotel & Convention





लेबल:

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

कोस्टल कर्नाटक ३. -कुरु बेट, अनेगुड्डे श्री विनायक मंदिर, मणिपाल लेक

  कोस्टल कर्नाटक सहलीचा आमचा तिसरा दिवस देखील फार आनंदात गेला. काही गोष्टी ठरवल्याप्रमाणे होऊ शकल्या. काही गोष्टी ठरवल्याप्रमाणे अजिबात झाल्या नाहीत. पण तरी जमेची बाजूच जड झाली हे खरे.  उडुपीला सकाळी गाडी बोलावली होती आणि ती आम्हाला काही तास फिरवून आणणार होती. पहिले ठिकाण होते त्रासी मारवंते बीच.  फोटो बघूनच हा बीच पाहण्याची खूप उत्सुकता वाटत होती. हा अत्यंत अनोखा बीच आहे. रस्त्याच्या एक बाजूला सौपर्णिका नदी, दुसऱ्या बाजूला अरबी समुद्र - सिंधूसागर! त्रासी मरवंथे बीच  📷https://karnatakatourism.org/en/destinations/udupi उडुपीपासून निघून इकडे येऊन पोचलो. एका बाजूला नदी दिसत होती. दुसऱ्या बाजूला समुद्र किनाराही दिसत होता. पण फोटोत दाखवल्याप्रमाणे ठिकाण काही दिसेना.  मग चौकशी केल्यावर कळले की असे फक्त ड्रोनने काढलेल्या फोटोत दिसते. डोळ्यांना असे दिसत नाही!! एरवी आपण म्हणतो की डोळ्यांना जितके सुंदर दिसते तितके फोटोत उतरत नाही. पण इथे उलटे झाले होते!फोटोतल्याइतके सुंदर डोळ्यांना दिसत नव्हते!! पण असे दिसले नाही म्हणून काय झाले? रस्त्याच्या एका बाजूला नदी वाहते आहे...
टिप्पणी पोस्ट करा
अधिक वाचा

कोस्टल कर्नाटक ६ - अविस्मरणीय शरावती बॅकवॉटर बोटिंग, शरावती कांडला मॅन्ग्रोव्ह बोर्ड वॉक

मी आधीच्या पोस्टमध्ये सांगितले होते की आजचा सूर्यास्त समुद्रात होता तर उद्याचा सूर्योदय शरावती नदीत असणार आहे! तोच हा सूर्योदय शरावती नदीत, कमळांच्या मध्ये.  शरावती बॅकवॉटर बोटिंग  दुसऱ्या दिवशी सकाळी सव्वा सहापर्यंत आम्ही बोटिंगच्या ठिकाणी पोचलो. कारण आम्हाला सूर्योदय चुकवायचा नव्हता. होनावर जवळचे शरावती नदीतील बोटिंग हा एक अविस्मरणीय अनुभव आहे.  आजूबाजूची शांतता, संथ पाणी, स्वच्छ नितळ पाण्यात वाकून आपले प्रतिबिंब न्याहाळणारी नारळाची झाडे, पाण्यात अध्ये मध्ये असलेली लहानशी बेटे, खारफूटीची जंगले, कमळाची पाण्यावर तरंगणारी पाने, उगवत्या सूर्याची पाण्यात मिसळणारी किरणे, त्याने तांबूस झालेले पाणी .. एक वेगळेच जग असते ते. तुम्ही जितक्या वेळासाठी बोट ठरवलेली असेल.. तास दीड तास..  तो वेळ, तुमच्या आयुष्यातील अविस्मरणीय क्षणांपैकी एक असणार हे मी अगदी खात्रीने सांगू शकते.  आपोआप जगाचा, आयुष्याचा कोलाहल मंद होत जातो. पहाटेचा मवाळ प्रकाश, पाण्यावर हेलकावणारी नाव, हवेतला अगदी किंचितसा सुखद गारवा आणि मुरत जाणारी शांतता ह्या सगळ्याने मन निवळत जाते.  आम्ही गेलो त्या दिवशी,...
टिप्पणी पोस्ट करा
अधिक वाचा

'रानी की वाव'

पाटण सर्वांना माहिती असते ते 'रानी की वाव' तिथे आहे म्हणून. भारतातील समृद्ध हातमाग कौशल्याचा उत्तम नमुना असलेली पटोला साडीदेखील पाटणचीच.  गुजराथमधील अहमदाबाद पासून साधारण दीडशे किलोमीटरवर असणारे पाटण जागतिक पर्यटनाच्या नकाशावर मानाचे स्थान पटकावून बसले आहे. युनेस्को चे जागतिक वारसा स्थळ म्हणून मानांकन मिळवलेले हे ठिकाण आहे.  रानी की वाव  रानी की वाव  रानी की वाव  रानी की वाव  रानी की वाव  'रानी की वाव' नावावरूनच आपल्या लक्षात येते की ही राणीने बांधलेली विहीर आहे. पण खरे तर ही नुसती वाव म्हणजे विहीर नसून  सुमारे 64 मीटर लांब, 20 मीटर रुंद आणि 27 मीटर खोल म्हणजे साधारण  सात मजल्यांइतकी खोली असलेले विष्णूचे मंदिर आहे असेच म्हणावे लागेल.  जमिनीपासून खोल खोल उतरत जाणारी अशी ही रचना आहे.  राणी उदयमती हिने तिचा पती  राजा भीमदेव पहिला याच्या स्मरणार्थ हे मंदिर बांधले म्हणून याचे नाव 'रानी की वाव' असे पडले. राजा भीमदेव पहिला म्हणजे अनहिलवाड किंवा अनहिल्लपूर पाटणच्या सोळंकी वंशाचा संस्थापक मुलराज ह्याचा मुलगा होता. ह्या वंशाने अनेक पराक्...
टिप्पणी पोस्ट करा
अधिक वाचा

सोमनाथ - प्रभास पट्टण.

१९४७चे दीपावली पर्व. स्थळ होते सिंधुसागराच्या तीरावर असलेल्या सोमनाथ मंदिराच्या अवशेषांचे प्रवेशद्वार. तिथे उभे राहून सरदार वल्लभभाई पटेल यांनी दृढनिश्चय व्यक्त केला की भारतीय जनता आपले आराध्य दैवत असलेल्या सोमनाथ मंदिराला त्याची पूर्व प्रतिष्ठा आणि पूर्व वैभव प्राप्त करून देईल.  काय कारण होते ह्या प्रतिज्ञेचे? जर भारतीय जनतेचे आराध्य दैवत होते सोमनाथ तर आता मंदिराचे अवशेषच का उरले होते?  ह्या साठी आपल्याला जाणून घ्यावे लागेल सोमनाथ मंदिराच्या इतिहासाविषयी आणि सोमनाथच्या हिंदू जनमानसातील स्थानाविषयी.  हिंदूंन पूजनीय असलेल्या बारा ज्योतिर्लिंगापैकी सर्वात पहिले नाव असलेल्या आणि प्रथम स्थानी असलेले सोमनाथ. आपल्या सर्वाना माहिती असलेल्या स्तोत्राची सुरुवातच होते ती 'सौराष्ट्रे सोमनाथंच' पासून. त्यामुळेच त्याला 'आदि ज्योतिर्लिंग' म्हणून ओळखले जाते.  ऋग्वेदात तसेच अनेक पुराणात ज्याचा उल्लेख झाला आहे असे हे तीर्थधाम. ह्याविषयी आपल्याला अनेक कथा सापडतात.  शतकानुशतकांच्या मंदिराच्या इतिहासात नैसर्गिक रित्या पडझड झाल्यानंतर ते अनेक राजांकडून, भक्तांकडून सोने, च...
२ टिप्पण्या
अधिक वाचा

कवी केशवसुत स्मारक, मालगुंड

एका कवीचे स्मारक असावे आणि तेही कवीला साजेसे असावे ही दुर्मिळ गोष्ट आहे! पण असे एक स्मारक आपल्या महाराष्ट्रात आहे. रत्नागिरीजवळ मालगुंड येथे कवी केशवसुत म्हणजेच कृष्णाजी केशव दामले ह्यांचे एक सुंदर स्मारक उभारले आहे.  कवी केशवसुत जन्मस्थान  मार्गावरील फलक  प्रवेशद्वारातून दिसणारे दृश्य  कोकण मराठी साहित्य परिषदेने ज्येष्ठ साहित्यिक पद्मश्री मधू मंगेश कर्णिक ह्यांच्या संकल्पनेला प्रत्यक्षात उतरवले आहे.  एखाद्या कवीचे स्मारक कसे असावे हे एखाद्या साहित्यिकालाच चांगले कळू शकणार! स्मारकाच्या प्रवेशद्वारातून आपण आत गेलो की समोरच दिसते ते केशवसुत जन्मस्थान. हे जुने घर डागडुजी करून नीटनेटके ठेवले आहे. पडवीत मोठा झोपाळा आहे.  कवीच्या घरात कवीचे पुस्तक वाचताना  तिथेच केशवसुतांची काही पुस्तके तसेच को.म.सा.प.ची काही प्रकाशने विक्रीसाठी उपलब्ध आहेत.  घरातील आतल्या खोल्या तशा रिकाम्याच आहेत. काही थोडे जुने सामान तिथे ठेवले आहे .  माजघर  घराच्या मागच्या बाजूला कवीचे खरे स्मारक आहे. केशवसुतांनी त्या काळात म्हणजे दीडशे वर्षांपूर्वी कवितेत नवा प्रवाह आणला...
टिप्पणी पोस्ट करा
अधिक वाचा

श्रीमंत थोरले बाजीराव पेशवे जन्मस्थान - बर्वेवाडा, डुबेरे

काल दिनांक १८ ऑगस्ट २०२५. श्रीमंत थोरले बाजीराव पेशवे ह्यांची ३२५ वी जयंती. श्रीमंत थोरले बाजीराव पेशवे पुतळा, बर्वेवाडा श्रीमंत थोरले बाजीराव पेशवे पुतळा, बर्वेवाडा श्रीमंत थोरले बाजीराव पेशवे पुतळा, बर्वेवाडा आता बाजीराव म्हटले की केवळ बाजीराव मस्तानीच आठवणाऱ्या लोकांसाठी बाजीराव कोण ते सांगायला हवे. छत्रपती शिवाजी महाराजांनी पाहिलेले हिंदवी स्वराज्याचे स्वप्न प्रत्यक्षात जगणारे आणि हिंदवी साम्राज्य निर्माण करणारे बाजीराव बाळाजी पेशवे/ विश्वनाथ बल्लाळ भट हे शाहूछत्रपतींचे पेशवे म्हणजेच पंतप्रधान होते.  आपल्या वीस वर्षांच्या पेशवे म्हणून कारकीर्दीत ते चाळीसहून अधिक लढाया लढले आणि त्या सर्व लढायांत ते अजिंक्य राहिले. त्यांनी आपल्या कर्तृत्वाने मराठ्यांचे वर्चस्व अखंड भारतावर प्रस्थापित केले.  त्यांचा जन्म १८ ऑगस्ट १७००, भाद्रपद पौर्णिमा ह्या दिवशी डुबेरे येथे झाला. डुबेरे आजच्या सिन्नर तालुक्यात नाशिक जिल्ह्यात आहे.  ह्या गावी बाजीरावांच्या मातोश्री राधाबाई ह्यांचे भाऊ मल्हारराव बर्वे राहत असत. त्या बर्वे वाड्यात बाजीरावांचा जन्म झाला.  बर्वे वाडा  अवघ...
टिप्पणी पोस्ट करा
अधिक वाचा

गणपतीपुळे

कोकणच्या निसर्गाविषयी किती आणि कितीदाही लिहिले तरी कमीच आहे. कोकणातल्या नारळी पोफळीच्या वाड्या, आंब्याची फणसाची झाडे, केळीच्या बागा, कौलारू घरे ह्यांनी नटलेली धरती, सोनचाफा बकुळीच्या सुगंधाने घमघमणारा आसमंत आणि कानावर येणारी समुद्राची गाज सारेच कसे मन प्रसन्न करणारे असते.  चराचरात वसणारा परमतत्वाचा अंश ह्या भूमीत प्रकर्षाने प्रत्ययाला येतो. ह्या भूमीत अनेक देवस्थाने नसती तरच नवल होते. ह्या देवस्थानांच्या जागा विलक्षण सुंदर आहेत. गणपतीपुळे हे असेच एका सुंदर स्थानी वसलेले श्री गणेशाचे स्वयंभू मंदिर. सिंधुसागराचा किनारा, चमकदार वाळूची पुळण आणि पाठीमागे गार्ड हिरव्या वनराईने झाकलेला डोंगर असे ह्या मंदिराचे नयनमनोहर ठिकाण आहे.  श्री गणपतीपुळे देवस्थान  ह्या स्वयंभू मूर्तीचा दृष्टांत पाचशे वर्षांपूर्वी भिडे गुरुजींना झाला. तिथे त्यांनी साधे गवताचे छप्पर उभारून पूजेला सुरुवात केली. त्यांची समाधी आपल्याला मंदिराच्या आवारातच बघायला मिळते.  समाधी  पुढे मग वेळोवेळी निरनिराळ्या भक्तांनी ह्या वास्तूची पुनर्बांधणी आणि दुरुस्ती केली. छत्रपती शिवाजी महाराजांचे सचिव अण्णाजी दत्त...
टिप्पणी पोस्ट करा
अधिक वाचा

कोस्टल कर्नाटक ४ - शृंगेरी, मुकाम्बिका

कोस्टल कर्नाटक ४ - शृंगेरी, मुकाम्बिका  आज उडुपीहून लवकर निघून शृंगेरीला पोचण्याचा बेत आखला होता. त्याप्रमाणे आम्ही सकाळीच निघालो. रस्ता खूपच छान होता. आता खरं सांगायचे तर कोस्टल कर्नाटक प्रवासात रस्ता सुंदर होता म्हणणे ही द्विरुक्तीच आहे.  सगळ्या सडका अगदी एका पातळीतील आणि गुळगुळीत आहेत. खड्डे खळगे, रस्ते वर खाली असणे असे काही नसल्याने महाराष्ट्रातून गेलेल्या आम्हाला थोडे चुकल्यासारखे वाटले खरे!!! शिवाय रस्त्याच्या दोन्ही बाजूला झाडे, स्वच्छता ह्यामुळे प्रवास फार आनंदाचा होतो. उडुपी शृंगेरी रस्ता तर आगुंबे जंगलातून जातो. त्यामुळे दाट झाडी होती. रस्त्यात सुप्रसिद्ध आगुंबे घाटही येतोच. सकाळची प्रसन्न वेळ आणि इतका छान रस्ता..दिवसाची चांगली सुरुवात होण्यासाठी आणखी काय पाहिजे?!!  आम्हाला वाटले होते इतक्या लवकर फारसे कोणी श्रुंगेरीत आलेले नसेल. पण शृंगेरीला पोचल्यावर लक्षात आले की आमच्यासारखाच विचार अनेकांनी केला होता!  अनेक बस रात्रभराचा प्रवास करून सकाळी शृंगेरीला पोचल्या होत्या. त्या लोकांच्या प्रातर्विधी आणि अंघोळीसाठी अनेक ठिकाणी माफक पैसे घेऊन उत्तम सोय केलेली होती....
टिप्पणी पोस्ट करा
अधिक वाचा

कोस्टल कर्नाटक- २ मंगळुरू, मुलकी, उचिल, उडुपी

  आमच्या कोस्टल कर्नाटक सहलीचा दुसरा दिवस सुरु झाला तो काद्री मंजुनाथ मंदिर भेटीने. हे मंदिर अतिशय प्राचीन आहे. भारद्वाज संहितेत ह्या मंदिराचा उल्लेख आहे. त्या काळात ह्या भागाला सुवर्ण कदलीवन म्हटले जात होते आणि ह्या मंदिराला सर्वसिद्धिमहास्थान किंवा सर्वसौभाग्यदायक महास्थान असे म्हटले जाई. परशुरामाच्या तपाने प्रसन्न होऊन ब्रह्म,विष्णू आणि महेश ह्यांनी एकत्रितपणे मंजूनाथाच्या रूपात स्वतःला प्रगट केले असे कथा सांगते.  नाथ संप्रदायाच्या गोरक्षनाथ आणि मच्छिन्द्रनाथ ह्यांनी देखील ह्या मंदिराला भेट दिली होती आणि ह्या भागात वास्तव्य केले होते असे सांगितले जाते.  मंदिर खूप भव्य आहे. मुख्य देवता शंकर - मंजुनाथ आहे. मंदिराच्या आवारात गणेश, दुर्गा, हनुमान,अय्यप्पा, नागदेवता अशी मंदिरे आहेत. जवळच एक तलाव आहे. हे मंदिर काद्री टेकडीवर वसलेले आहे. जवळच काद्री हिल पार्क नावाचे एक भव्य उद्यान आहे. एक लहानसे तळे देखील जवळच आहे. स्नानासाठी कुंड ह्या मंदिराच्या आवारातच आहेत. एकूणच परिसर रम्य आणि मंदिरातील ऊर्जेने भारलेला आहे. अनेक भाविक इथे भेट देत असतात.  काद्री मंजुनाथ मंदिर  का...
टिप्पणी पोस्ट करा
अधिक वाचा